guðnimár.annáll.is

Annálleinkahúmorgamalt og gotthugleiðingar í dagsins iðuskemmtilegttrúmál
Frábært Silfur í gær, eru ,,herskáir” trúleysingjar að mýkjast?

14.33 3/12/07 + 23 ath.

Ég fylgdist með silfri Egils í gær, þar fór fram góð og yfirveguð umræða um aðkomu kirkjunnar skólastofnunum. Umræðan er þörf enda mörgu sem þarf að velta upp og ólíkar skoðanir sem fólk hefur. Matthías Ásgeirsson formaður Vantrúar kom vel fyrir í þættinum og fannst mér gaman að sjá hversu hófstilltur hann var í framkomu sinni, enda hefur oft gustað um ýmis stór orð sem hann eða hópurinn sem hann er í forsvari fyrir hefur látið falla.
Áfram…

Góðar fréttir og illa skrifaðar fréttir…

23.02 13/11/07 + 3 ath.

Það hefur nokkuð verið um góðar fréttir undanfarin sólarhring. Árni Ingi Pjetursson stórvinur minn og snillingur hefur nú skrifað undir samning við ÍA í fótboltanum, ekki amalegt að fá einn besta vin manns í uppáhalds knattspyrnuliðið. Ég held að Gaui Þórðar og Árni viti báðir nákvæmlega hvað þeir eru gera. 24 stundir lækkuðu hins vegar í áliti hjá mér eftir vafasöm greinarskrif blaðamannsins Atla á forsíðunni í dag. Áfram…

Mikið er ég ósammála Óskari Óskarssyni

23.44 22/10/07 + 2 ath.

Í kvöldfréttum Stöðvar 2 kom einn af skemmtilegri prestum Þjóðkirkjunnar Óskar Óskarsson fram og sagði umræðuna um samkynhneigð einkennast af hommafóbíu. Mikið afskaplega er ég ósammála honum, ég sat prestastefnu og hlustaði á alla örugglega 40-50 ræðumennina sem stigu upp í ræðustól tala um málefnið og ég verð að segja að hommafóbía var síðasta orðið sem einkenndi umræðuna þar.

Áfram…

Lichteinstein, Salzburg, ný Biblía og staðfest samvist.

00.37 20/10/07 + 10 ath.

Ég veit ekki hvað á að segja um tapið gegn Lichteinstein ég var búin að segja þetta áður og vil ítreka það (reyndar þá vil ég taka fram að misskilnings gætti hjá mér í tali um BMI ég hélt að það væri það sama og fituprósenta).

Annars vorum við hjónin að koma úr snilldarferð frá Salzburg þar tóku heiðurshjónin Erla og Kjartan vel á móti okkur. Mikið var það gaman, hápunkturinn var afmæli Önnu Birnu og tónleikar með Michael Buble sóttu fast á eftir.

Áfram…

Það sem pottþétt verður í stjórnarsáttmálanum!

00.51 22/5/07 + 1 ath.

Já, nú bíða margir spenntir eftir því hvað verður í stjórnarsáttmála nýrrar ríkisstjórnar. Ég renndi yfir stefnuskrár flokkanna og fann nokkrar hluti sem eru í fullkomnum samhljómi og hljóta því að verða á kjörtímabilinu (textar eru fengnir að láni frá xs.is og xd.is, millifyrirsagnir eru mínar):

Ráðuneytum fækkað, eitt atvinnuvegaráðuneyti:
Áfram…

Hvað var eiginlega í gangi á prestastefnu?

14.35 4/5/07 + 6 ath.

Þrír bloggarar sem ég les reglulega, hef tröllatrú á í stjórnmálum og hef kynnst mismikið á lífsleiðinni, blogguðu í kjölfar prestastefnu um hversu gáttuð þau voru á prestastéttinni að kolfella tillöguna um hjónavígslu samkynhneigðra.

Þar sem ég var á prestastefnu finnst mér rétt að greina frá því hvað var í gangi á prestastefnu og enda gefur sú umræða sem kom upp í kjölfar fjölmiðlaumfjöllunar um málið ekki góða mynd af því sem í raun fór fram.

Áfram…

Hugleiðingar um KSS

23.55 3/10/06 + 1 ath.

Í umræðu sem fram fór á svæði annálsbróðurs, beindust nokkur spjót að Kristilegum skólasamtökum KSS, tengslum þeirra við þjóðkirkjuna, ásamt vangaveltum um hvort KSS væru öfgasamtök sökum þess að þar séu margir sköpunarsinnar og mikil andstaða við samkynhneigða. (þær ályktanir eru dregnar út frá umræðum á spjallborði KSS.is fyrir 2 árum).

Þar sem ég er eini maðurinn sem fæ laun fyrir að þjónusta KSS tel ég rétt að setja fram nokkrar hugleiðingar um KSS, en þær geta líka verið gagnlegar þeim sem vita lítið um KSS en vilja fræðast meira.

Áfram…

Draumalandið

00.46 29/5/06 + 11 ath.

ég hef lokið lestri á Draumalandinu og ég segi nú bara ef þið eigið eftir að lesa nýja testamentið drífið í því og byrjið svo strax á Draumalandinu!

Aldrei hefur nokkur bók hrist jafn duglega upp í mér. Ég hef hingað til ekki sett mig uppá móti stóriðju sökum atvinnusköpunnar og þegar ég sá forsíðuna og titilinn hugsaði ég: ,,Æi, er þetta ekki bara svona óraunhæf listadraumsýn um að það megi ekki snúa við einum steini á landinu okkar, þá eru það náttúruspjöll?

Áfram…

Að panta sér miða á frumsýningu…

19.44 5/11/05 + 14 ath.

…og vita svo ekkert hvenær hún verður, hvað hún stendur lengi eða hvernig mun ganga veldur óþarfa stressi og taugatitringi. Ég veit þó að drengurinn kemur innan næstu 20 daga, læknavísindin leyfa ekki lengri vist í móðurkviði en svo.

Þetta er búin að vera meðganga full af hæðum og lægðum, gleði og sorg. Á þessum níu mánuðum hefur líf foreldranna sveiflast nokkrum sinnum milli gleði og sorgar, hversu mikið ætli barnið skynji það?

Áfram…

Kvennafrídagur

16.21 24/10/05 + 3 ath.

Sá á textavarpinu að ríkisstjórnin hefði ákveðið að setja 10 milljónir í sérstakan sjóð útaf kvennafrídeginum, sjóðurinn á að vinna að auknu jafnrétti.

Er verið að móðga konur? Hvernig væri að setja 10 milljónir í samhengi? Tíu milljónir eru innan við einn fjórði af því sem karlmennirnir þrír sem eru Seðlabankastjórar fá samtals í árslaun. Þetta er innan við einn sextugasti af umfram kostnaði við eftirlaunafrumvarpið (sem kemur nær eingöngu karlmönnum til góða) og innan við einn sjötugasti af þeim afslætti sem Björgólfsfeðgar fengu af Landsbankanum!

10 milljónir gera minna en 67kr framlag á hverja konu í landinu? Af hverju gaf ríkisstjórnin ekki bara einn pott af mjólk til hverrar konu í landinu? Já eða öllum konum eitt Prins Póló, það er sami kostnaður, og svo hefur það hefur löngum verið þekktur siður miðaldra karlmanna, eins og Dóra og Geirs, sem vita ekki hvernig þeir eiga að hugga órólegu barnabörnin sín, rétta þeim eitt stykki Prins Póló og málið er leysist farsællega!

Áfram…

Björn tengdapabbi er látin.

09.16 12/9/05 + 13 ath.

Björn Björnson tengdapabbi minn lést um miðjan dag í gær. Það var mikill friður yfir dauðastundinni og um hana eigum við nú fallega minningu. Við höfðum beðið Sigfinn Þorleifsson prest um að koma til okkar og hann hélt bæna og minningastund um Björn þar sem við stóðum öll kringum rúmið hans héldumst í hendur og hugsuðum um þann góða dreng sem Björn hafði að geyma.

10 mínútum eftir að Sigfinnur fór kvaddi Björn okkur svo. Það var eins og hann hefði beðið eftir þessu að við tækjum okkur smá stund saman og hann mætti eiga sviðið einn og óskiptur með okkur öllum í kring í síðasta sinn.

Mikill maður er farinn, svo miklu fyrr en þörf var á. Söknuðurinn nístir en hinar óteljandi minningar um hann ylja og sú sannfæring að nú sé hann komin á stað þar sem allir skuggar verða skýrir og engin þarf framar að þjást. Það var mjög undarleg tilfinning að sjá þetta á mbl.is í morgun. Áfram…

Hinn níræði munkur bróðir Roger stunginn til bana í miðri bænastund

23.26 18/8/05 + 1 ath.

Það er ekki laust við að mig hafi sett hljóðann áðan þegar ég frétti að stofnandi Taize-reglunnar Brother Roger hafi verið stunginn til bana í bænagjörð í Taize-samfélaginu að kveldi 16.ágúst. Fáir ef nokkrir lögðu jafnmikið að mörkum í sameiningu kristinna manna á 20. öldinni og Bróðir Roger. Klausturregla hans sem hann stofnaði 1940 óx mjög hratt og laðaði til sín ungt fólk af ólíkum kirkjudeildum og meira segja einnig frá öðrum trúarbrögðum til að koma saman og biðja fyrir friði og bættum heimi.

Ég gleymi seint ferðinni sem við fórum, átta talsins frá Íslandi, í ágústmánuði 1999. Þar tókum við þátt í fræðslu og skemmtilegu samfélagi í eina viku og mættum á 30-50mínútna bænastundir 3svar á dag. Það var mögnuð upplifun að vera í Taize, þegar við vorum þarna voru um 7000manns frá 86 þjóðlöndum komin saman til að njóta kyrrðar Taize, fræðslu og bænalífs.

Áfram…

Af nýju blaði…

00.17 28/6/05 + 3 ath.

…ég horfði á Eirík Jónsson verða gríðarlega reiðann í beinni útsendingu í kvöld. Mér kom í hug: ,,sannleikanum er hver sárreiðastur”. Eiríkur hefur ömurlegan málstað að verja og lét fréttamenn ítrekað æsa sig upp þegar þau spurðu einfaldra spurninga. Hann hleypti andmælendum sínum sjaldan að og greip iðulega snöggt fram í fyrir þeim þegar þau höfðu orðið.

Athyglisverðast fannst mér þegar hann fullyrti að Símon Birgisson væri einhver vandaðasti maður sem hann þekkti, mér varð hugsað til þessarar færslu Þorkells á sínum tíma. Ég veit ekki með ykkur en Eiríkur Jónsson skilgreinir vandaða menn öðruvísi en ég!

Áfram…

Biblían -frelsandi boðskapur eða heftandi kúgunartæki? Af kristinni siðfræði og kvennagagnrýni

01.08 24/4/05 + 4 ath.

Nú sit ég við tölvuna að gera heimapróf í kristinni siðfræði og kvennagagnrýni hjá Sólveigu Önnu Bóasdóttur. Það er svo merkilegt hvað hversdagslegir hlutir verða spennandi í prófatíðinni. Í dag er ég búin að skrúbba eldhúsið hátt og lágt og gera ýmislegt fleira sem ég er mjög yfirleitt óduglegur við, bara til að nýta tímann í eitthvað annað en lærdóm.

Svona er þetta alltaf í prófum, tíminn virðist standa í stað þegar maður er að læra en fljúga sem þota þegar maður er að gera eitthvað annað. Í pirringi fór ég að vera neikvæður og velta því fyrir mér hversu tilgangslaus ritgerðarverkefni virðast, maður þrælar tugi klukkustunda til að skrifa eitthvað sem kennarinn les á 5mínútum, og svo les þetta enginn annar en kennarinn, en þá allt einu rann upp fyrir mér ljós…

Áfram…

Gunnar Þorsteinsson fiskar í gruggugu vatni

20.17 18/4/05 + 40 ath.

Það er með ólíkindum að hlusta á Gunnar Þorsteinsson, sem kenndur hefur verið við lítið trúfélag í Kópavogi, setja sjálfan sig á stall sem mesta fræðimann Íslendinga í forngrísku og samtímasögu Nýja testamentisins. Því fer fjarri, svo einfalt er það. Hann rökstyður mál sitt illa, og klifar á því að lútherskir menn séu að beygja orð Guðs eftir sínu eðli. Áfram…

·

© guðnimár.annáll.is · Færslur · Ummæli