guðnimár.annáll.is

Annálleinkahúmorgamalt og gotthugleiðingar í dagsins iðuskemmtilegttrúmál
Hverfult…

23.30 11/1/08 + 3 ath.

…mig minnir að ég hafi verið að keyra með candýflosvélina (sem margir sögðu ömurlega fjárfestingu) í útleigu, þegar ég heyrði þessa frétt. Þá grunaði mig ekki að 7 mánuðum seinna yrði candýflosvélin okkar Bendts orðin verðmeiri en heildareignir Gnúps fjárfestingafélags.
Áfram…

Að gefnu tilefni…

23.21 3/10/07 + 3 ath.

… í ljósi þess að nýja Valsíþróttahúsið heitir Vodafone-höllin og knattspyrnuvöllurinn Vodafone-völlurinn er rétt að árétta að samingaviðræður milli KFUM, Vals og Vodafone runnu út í sandinn. Sr. Friðrikskapella á Hlíðarenda mun ekki heita Vodafone-kapellan.

Nafnavandræði…

13.21 20/10/05 + 5 ath.

…mannanafnanefnd hefur sagt af sér og hið opinbera virðist ætla að draga lappirnar í að skipa nýja.

Það kemur sér mjög illa fyrir mig og Ásdísi þar sem umsókn okkar um nafn er föst inni í kerfinu og ólíklegt að málið verði afgreitt áður en drengurinn fæðist.

Áfram…

Færsla frá 30. des 2002

17.17 7/1/05 + 1 ath.

Allt að gerast

Frétt 1
Í hádeginu í dag var ég að keyra Nesveginn sem væri ekki frásögu færandi nema það að þar sá ég Þórólf Árnason vera að stíga útúr jeppa og þar tók maður sem ég þekkti ekki í hendina á honum og óskaði honum til hamingju og það sem meira var þetta var fyrir utan húsið hennar Ingibjargar Sólrúnar.

Frétt 2
Uppúr hádeginu í dag hringdi ég í Bendt, en það var ekki Bendt sem svaraði heldur Hlynur. Hlynur tilkynnti mér strax að hann hefði séð 3 seli. En Bendt hefði ekki séð neinn sel og var Bendt mjög leiður yfir því og ætlaði Hlynur strax að hóa í Bendt ef hann sæi sel á nýjan leik. (fyrir þá sem ekki vita voru Hlynur og Bendt staddir í fjöru ekki langt frá Hrútafirði en þar höfðu þeir stoppað og á leið sinni til Suðureyrar þar sem þeir ætla að eyða áramótunum með kærustu Hlyns og fleirum)

Svo er það bara spurningin, fyrir hvora fréttina er líklegra að ég vinni 5000kall fyrir fréttaskot vikunnar hjá DV.

Færsla frá 8.maí 2002

17.15 7/1/05 + 1 ath.

Hjalti var í strætó í gær og varð vitni að samtali drengja sem voru að tala um kennarann sinn samtalið var svona:

Drengur A
,,Uss, hann er svo ömurlegur kennari, hann er sljóari en allt.”
Drengur B
Já, hann er svo ógeðslega heimskur og sljór að ég er viss um að hann vinnur hjá Sorpu um helgar svona á svona stöð sem tekur á móti rusli og flokkar það, það eru bara ógeðslega heimskir sem vinna þar!”

Hvaða rugl er nú þetta, það er alls konar fólk sem vinnur þarna og margt mjög vel gefið. Í sumar verður meðal annars háskólastúdent úr guðfræðideild að vinna þarna og hann er ekkert sljór og heimskur!

Færsla frá 19.mars 2002

17.11 7/1/05 + 1 ath.

Maður lætur nú ekki einhvern annan baða konuna sína!

Í dag hef ég sett stefnuna á að þvo bílinn minn og bóna. Ég fór að segja Óla Jóa félaga mínum frá þessu og hann sagði nú bara:

Uss, af hverju lætur þú ekki einhverja þvottastöð gera þetta fyrir þig?

Þvottastöð? sagði ég Sko ég læt nú ekkert hvern sem er komast með hendurnar í bílinn minn, það er svona sem maður og bíll tengjast tilfinningalegum böndum.

Já, sagði Óli Jói.,,þetta er sennilega rétt hjá þér alveg eins og maður lætur ekki einhvern annan baða konuna sína!”

Færsla frá 6. mars 2002

17.08 7/1/05

Jarðarför

Í nótt verður íslenska landsliðið jarðsungið í Brasilíu. Þeim sem vilja minnast KSÍ er bent á að kaupa Frón kremkex.

Torfi ávallt hress (frá mars 2002)

16.13 7/1/05

ZZZ Schefferhundar!

Ég var að lesa Kvennaskólablaðið og þar talað um hann Torfa í 3.bekk sem ég gef titilinn “snillingur”. Torfi stofnaði um daginn rappsveit og keppti í hæfileikakeppninni á epladaginn. Hljómsveitin heitir ZZZ Schefferhundar og hló ég upphátt þegar ég heyrði nafnið. Bara fyndið!

Ásdís og EFINN (frá febrúar 2002)

16.10 7/1/05

Bridget Jones

Í gær leigðum við Ásdís okkur myndina um Bridget Jones. Í einu atriða myndarinnar fóru Hugh Grant og Colin Firth að slást um Bridget.
Þá segir Ásdís dreymandi:

Ohh, ég vildi að þú myndir einhvern tíman slást fyrir mig, eða nei ég myndi ekki vilja það, eða jú en bara ef þú værir að vinna slagsmálin.

Hvaða EF var þetta hjá henni? EF ég væri að vinna, það er ekkert EF sem passar inní þessa setningu!

Hjalti alltaf góður (febrúar 2002)

16.08 7/1/05 + 3 ath.

Stórkostlegur húmoristi

Hjalti Halldórsson er einn skemmtilegasti maður sem lifir á þessari jörð. Í gær sms-uðumst við og ég hló ekki lítið af sendingum hans:

En svona voru SMS-in sem gengu á milli:

Hjalti: Hvað segirðu um að við hittumst alltaf í hádeginu á þriðjudögum?

Ég: Eyrnakonfekt! Síðan er ekki verra að Arnar Gunnlaugsson er gengin til liðs við Stoke City frá Leicester!

Hjalti: Já æðislegt, það er náttúrulega miklu betra að vera meiddur í 2. deild en í úrvalsdeild. Addi Gunn er bara gölluð vara!

Ég: Æi óþarfi að fara grenja þó Arnar hafi hafnað Arsenal og ákveðið að fara frekar til Stoke

Hjalti: Hei ég er að grenja af því ég fékk svolítið í augað!

·

© guðnimár.annáll.is · Færslur · Ummæli