guðnimár.annáll.is

Annálleinkahúmorgamalt og gotthugleiðingar í dagsins iðuskemmtilegttrúmál
Hverfult…

Guðni Már @ 23.30 11/1 + 3 ath.

…mig minnir að ég hafi verið að keyra með candýflosvélina (sem margir sögðu ömurlega fjárfestingu) í útleigu, þegar ég heyrði þessa frétt. Þá grunaði mig ekki að 7 mánuðum seinna yrði candýflosvélin okkar Bendts orðin verðmeiri en heildareignir Gnúps fjárfestingafélags.
Áfram…

Vel mælt og ígrundað

Guðni Már @ 00.45 7/12

Í trúmálaumræðu undanfarinna daga hefur ýmislegt verið látið falla. Sumt gott og vandað, annað illa ígrundað eins og gengur. Með lesendum síðunnar vil ég deila þremur pistlum sem greina umræðunna vel. Þar fara menn sem halda vel á penna. Njótið.

Grétar Halldór Gunnarsson guðfræðinemi
Sigmundur Ernir Rúnarsson ritstjóri
Árni Hallgrímsson blaðamaður

Nokkur orð um Siðmennt og spurningu Sigurðar Hólms

Guðni Már @ 00.42 5/12 + 3 ath.

Stjórnarmaður Siðmenntar, Sigurður Hólm, bar fyrir mig spurningu fyrr í dag sem ég ákvað að svara í nýrri færslu, sem ég ætla að gera hér. Þá ætla ég að taka nokkur dæmi um hvar mér finnst Siðmennt vera að fiska í gruggugu vatni í umræðu síðustu daga.

Spurning Sigurðar var þessi:

Hvað finnst þér Guðni Már um málflutning biskups og annarra starfsmanna kirkjunnar? Er kristilegt að fara svona með sannleikann?”

Svar mitt er:
Áfram…

Frábært Silfur í gær, eru ,,herskáir” trúleysingjar að mýkjast?

Guðni Már @ 14.33 3/12 + 23 ath.

Ég fylgdist með silfri Egils í gær, þar fór fram góð og yfirveguð umræða um aðkomu kirkjunnar skólastofnunum. Umræðan er þörf enda mörgu sem þarf að velta upp og ólíkar skoðanir sem fólk hefur. Matthías Ásgeirsson formaður Vantrúar kom vel fyrir í þættinum og fannst mér gaman að sjá hversu hófstilltur hann var í framkomu sinni, enda hefur oft gustað um ýmis stór orð sem hann eða hópurinn sem hann er í forsvari fyrir hefur látið falla.
Áfram…

Góðar fréttir og illa skrifaðar fréttir…

Guðni Már @ 23.02 13/11 + 3 ath.

Það hefur nokkuð verið um góðar fréttir undanfarin sólarhring. Árni Ingi Pjetursson stórvinur minn og snillingur hefur nú skrifað undir samning við ÍA í fótboltanum, ekki amalegt að fá einn besta vin manns í uppáhalds knattspyrnuliðið. Ég held að Gaui Þórðar og Árni viti báðir nákvæmlega hvað þeir eru gera. 24 stundir lækkuðu hins vegar í áliti hjá mér eftir vafasöm greinarskrif blaðamannsins Atla á forsíðunni í dag. Áfram…

Hvað er eiginlega smjörklípa?

Guðni Már @ 20.38 6/11 + 9 ath.

Í ljósi orðræðu dagsins þá verð ég að upplýsa um vankunnáttu mína, hún snýr að orðinu smjörklípa. Þetta orð kemur nokkuð reglulega fyrir í pólítíkinni og Gísli Marteinn fullyrðir að Björn Ingi sé konungur smjörklípunnar, ég skil bara ekkert í þessu orði en dettur alltaf í hug þegar mamma var að gera afmæliskremið á súkkulaðikökuna þegar ég var lítill, þá notaði hún smjörklípu og ég fékk að borða afganginn…
Áfram…

Vandlátar endur…

Guðni Már @ 22.21 3/11 + 1 ath.

…fórum með Nóa í grasagarðin í dag að gefa öndunum brauð. Á leiðinni vorum við að reyna útskýra fyrir honum hvað stæði til.

,,Nói nú erum við að fara að gefa bra-bra brauð!” þá hvall í honum ,,Og smjör“.

Áfram…

Frábært innlegg frá Davíð Þór

Guðni Már @ 21.56 30/10

Ég verð að benda lesendum á þennan pistil Davíðs Þórs. Þar segir meðal annars um Biblíuumræðuna:

Það ljótasta í allri þessari umræðu er að mínu mati hinar annarlegu forsendur sem biblíuþýðendunum hafa verið gerðar upp. Þeim er legið á hálsi fyrir að falsa vísvitandi niðurstöður sínar til að þjóna pólitískri rétthugsun vorra daga. Öllu alvarlegar er varla hægt að vega að æru nokkurs fræðimanns. Hvaða mögulegu forsendur gætu þeir haft fyrir slíku? Hvaða ískygglega samsæri ætti svosem að vera hér á ferð? Á miðöldum hefði þetta verið skiljanlegt, þegar Biblían var tæki til að stjórna heiminum. Því er hins vegar ekki að heilsa nú á dögum. Hér er um að ræða biblíufræðinga sem annað getur varla vakað fyrir en að vinna starf sitt af eins mikilli kostgæfni, metnaði og virðingu fyrir fræðunum og þeim er unnt, enda sennilega það sem þeirra verður helst minnst fyrir eftir þeirra dag. Þetta er þeirra stóra framlag til fræðanna. Hví skyldu þeir vilja leggja augljósar falsanir fyrir dóm sögunnar? Hvað er mögulega í því fyrir þá?

Tékkið á þessu, annars var magnað að sitja í messu síðasta sunnudag og heyra lestur pistilsins, í fyrsta skipti sat ég í messu þannig að mér liði eins og það væri verið að tala við mig þegar pistillinn var lesinn. Það var góð tilfinning því þó ég hafi áður reynt að taka boðskapinn til mín, þá hefur orðfærið alltaf haldið textanum í ákveðinni fjarlægð.

Mikið er ég ósammála Óskari Óskarssyni

Guðni Már @ 23.44 22/10 + 2 ath.

Í kvöldfréttum Stöðvar 2 kom einn af skemmtilegri prestum Þjóðkirkjunnar Óskar Óskarsson fram og sagði umræðuna um samkynhneigð einkennast af hommafóbíu. Mikið afskaplega er ég ósammála honum, ég sat prestastefnu og hlustaði á alla örugglega 40-50 ræðumennina sem stigu upp í ræðustól tala um málefnið og ég verð að segja að hommafóbía var síðasta orðið sem einkenndi umræðuna þar.

Áfram…

Lichteinstein, Salzburg, ný Biblía og staðfest samvist.

Guðni Már @ 00.37 20/10 + 10 ath.

Ég veit ekki hvað á að segja um tapið gegn Lichteinstein ég var búin að segja þetta áður og vil ítreka það (reyndar þá vil ég taka fram að misskilnings gætti hjá mér í tali um BMI ég hélt að það væri það sama og fituprósenta).

Annars vorum við hjónin að koma úr snilldarferð frá Salzburg þar tóku heiðurshjónin Erla og Kjartan vel á móti okkur. Mikið var það gaman, hápunkturinn var afmæli Önnu Birnu og tónleikar með Michael Buble sóttu fast á eftir.

Áfram…

Að gefnu tilefni…

Guðni Már @ 23.21 3/10 + 3 ath.

… í ljósi þess að nýja Valsíþróttahúsið heitir Vodafone-höllin og knattspyrnuvöllurinn Vodafone-völlurinn er rétt að árétta að samingaviðræður milli KFUM, Vals og Vodafone runnu út í sandinn. Sr. Friðrikskapella á Hlíðarenda mun ekki heita Vodafone-kapellan.

Gott að frétta!

Guðni Már @ 23.28 24/9 + 4 ath.

Já, gott fólk af mér er gott að frétta. Þetta ber helst.

Fór til Rúmeníu sem fulltrúi unga fólksins á EEA3 þriðja evrópska samkirkjuþingið. Það var góð ferð. Unga fólkið var samt mjög sammála um að langt væri í land í alvöru samvinnu kirkjudeilda hinnar kristnu kirkju. Þegar ég sá kaþólsku kardínálanna labba útaf fimm stjörnu hótelinu í silkiklæðunum, mennina sem koma til greina að verða næstu staðgenglar Krists á jörðunni kom upp í hugann: ,,eruð þið á þessu hóteli strákar af því að það var ekkert pláss í fjárhúsinu”. Gunguháttur, léleg latínukunnátta og einlæg von um að kirkjan vinni saman sem einn líkami réði því þó að ég sagði ekkert. Fannst ég samt nokkuð fyndinn.
Áfram…

Sæludagar að baki…

Guðni Már @ 00.45 9/8 + 1 ath.

…það er gott að eiga vini sem eru duglegir að gagnrýna og benda á það sem betur má fara. Stærsti kosturinn við slíka vini er að þegar þeir finna lítið til að gagnrýna en margt til að hrósa veit maður að það er verið að vinna gott starf. Maður tekur þess vegna meira mark á hrósi og jákvæðni þessa fólks en þeirra sem segja alltaf að allt sé fínt en gagnrýna aldrei.
Áfram…

Sæludagar framundan…

Guðni Már @ 23.43 1/8 + 1 ath.

…líkt og undanfarin ár (6 af síðustu 7) er ég í undirbúningsnefnd og framlínu Sæludaga í Vatnaskógi um Verslunarmannahelgina. Þó ég segi sjálfur frá þá held ég að þetta verði flottasta hátíðin hingað til. Við höfum fjölgað dagskrárliðum umtalsvert ár frá ári og en ávallt byggt á því sem vel hefur tekist hingað til. 700 til 1500 manns sækja hátíðina (eftir hvernig viðrar ;) )
Áfram…

Simpson stóðst væntingar

Guðni Már @ 21.28 28/7

Við hjónin skelltum okkur á Simpson myndina í gær, hún stóðst fyllilega háar væntingar. Maður hefur séð ansi marga góða Simpson þætti í gegnum tíðina og fer klárlega á topp 5 yfir það besta sem framleiðendur Simpson hafa sent frá sér. Reyndar var endirinn í það amerískasta fyrir minn smekk en sumir brandararnir fengu mann bókstaflega til að emja af hlátri og bættu því vel fyrir nokkuð klénan endi.
Áfram…

« Fyrri færslur  

© guðnimár.annáll.is · Færslur · Ummæli